من طرف كرداوي 30/07/09, 08:14 amلقاء السحاب.. ليس اسماً لفيلم سينمائي تراجيدي.. ولا اسماً لرواية أدبية بوليسية.. ولكنه مجرد لقب للقاء المنتطر والمرتقب الذي جمع بين نصير الغلابة وحامي الفقراء والممثل الأعلي في الوفاء لمحدودي الدخل الدكتور عثمان محمد عثمان وزير التنمية الاقتصادية وعبده كحيان زعيم الغلابة وممثل الفقراء والمتحدث الرسمي لمحدودي الدخل.. فدار هذا الحوار بينهما:
الوزير: بتبص حواليك يمين وشمال وعينيك رايحة جاية فوق وتحت بتدور علي حاجة.. ياكحيان؟
كحيان: مش لاقي ولا شهادة دكتوراة من زنجبار ولا هايتي ولا حتي بوركينا فاسو متعلقة علي "الحيطة"؟
الوزير: اشمعني.. ده أنا كل شهاداتي من أمريكا أو أوروبا!
كحيان: بس دراساتك الاجتماعية والاقتصادية كلها عن محدودي الدخل في زنجبار وفقراء هايتي وغلابة بوركينا فاسو!
الوزير: كل الفقراء في دول العالم الثالث ملامحهم واحدة ولونهم واحد وتضاريس جسمهم واحدة.. حتي تكشيرتهم واحدة!
كحيان: بس معدل خط الفقر اللي معاليك حددته وهو 150 قرشاً ده ينطبق علي الدول "الكحيتي" قوي لكن ماينفعش عندنا.. ده ثمن ساندوتش الفول أو الطعمية ب 150 قرشاً!
الوزير: ما هي ده المشكلة.. إصراركم علي الأكل الجاهز والتك أواي من بره.. لكن لو أكلتم في البيت أرخص كثير! وممكن توفروا كمان!
كحيان: يامعالي الوزير.. مفيش كيلو فاكهة وخضار بجنيه ونصف.. ده كيلو البرقوق وصل ل 14 جنيهاً والموز بخمسة والكوسة بأربعة.
الوزير: وماقلتش ليه إن سعر كيلو البطيخ بجنيه واحد فقط.. يعني ممكن تشتروا مع الجيران بطيخة و"اللمة حلوة" وبتفتح النفس علي الأكل وربنا بيطرح فيها البركة.. وصدقني مفيش أحسن من الأكل الجماعي! ده غير فوائد البطيخ من فيتامينات ومعادن وكمان بيغسل البطن والمعدة من اللخبطة اللي بتكلوها! ده غير اللب والقزقزة في السهرة. لكن المشكلة انكم بتفكروا في أكل اللحمة مع انها تسبب أمراضا كثيرة وهضمها مشكلة وكفاية مرض النقرس!
كحيان: يعني معاليك مش بتاكل لحمة؟
الوزير: بناكلها مضطرين وغصب عننا حتي لا نتهم باننا "نباتيين" أو اننا ضد أكل اللحوم. يعني بناكل اللحمة كنوع من المسئولية الوزارية خاصة في الندوات والحفلات والمؤتمرات.. لكن ربنا بيحمينا من شر أمراضها!
كحيان: طب لو فرضنا ان احنا أكلنا وجبة بطيخ جماعي مع الجيران طب فين باقي الوجبات الثلاث؟!
الوزير: ما هو باقي نصف جنيه معاك ممكن تقاسم جارك وتشتروا نصف كيلو طماطم.. ولا انت ذي باقي الفقراء تاكل وتنكر!
كحيان: يعني حضرتك عاوزنا نديها كل يوم بطيخ وطماطم.. لكن اشمعني حضرتك مختار اللون الأحمر.. معاليك أهلاوي؟!
الوزير: فعلاً أنا أهلاوي وتشجيع النادي الأهلي هو الوجبة الثالثة بس ياريت تكون وجبة العشا.. عشان الفرحة بالفوز تجعل الإنسان شبعان وينام مبسوط.. وبالهنا والشفا ياكحيانين!
كحيان: طب ولو الأهلي انهزم.. هنام جعانين؟!
الوزير: وكمان الشعور بالحزن "بيسد النفس" عن الأكل يعني في الحالتين هتنام شبعان ومتهني.
كحيان: أهم ميزة عند حضرتك ان عندك كل الحلول.. روح ربنا ينتقم من اللي يزعل معاليك!!
كرداوي
الوزير: بتبص حواليك يمين وشمال وعينيك رايحة جاية فوق وتحت بتدور علي حاجة.. ياكحيان؟
كحيان: مش لاقي ولا شهادة دكتوراة من زنجبار ولا هايتي ولا حتي بوركينا فاسو متعلقة علي "الحيطة"؟
الوزير: اشمعني.. ده أنا كل شهاداتي من أمريكا أو أوروبا!
كحيان: بس دراساتك الاجتماعية والاقتصادية كلها عن محدودي الدخل في زنجبار وفقراء هايتي وغلابة بوركينا فاسو!
الوزير: كل الفقراء في دول العالم الثالث ملامحهم واحدة ولونهم واحد وتضاريس جسمهم واحدة.. حتي تكشيرتهم واحدة!
كحيان: بس معدل خط الفقر اللي معاليك حددته وهو 150 قرشاً ده ينطبق علي الدول "الكحيتي" قوي لكن ماينفعش عندنا.. ده ثمن ساندوتش الفول أو الطعمية ب 150 قرشاً!
الوزير: ما هي ده المشكلة.. إصراركم علي الأكل الجاهز والتك أواي من بره.. لكن لو أكلتم في البيت أرخص كثير! وممكن توفروا كمان!
كحيان: يامعالي الوزير.. مفيش كيلو فاكهة وخضار بجنيه ونصف.. ده كيلو البرقوق وصل ل 14 جنيهاً والموز بخمسة والكوسة بأربعة.
الوزير: وماقلتش ليه إن سعر كيلو البطيخ بجنيه واحد فقط.. يعني ممكن تشتروا مع الجيران بطيخة و"اللمة حلوة" وبتفتح النفس علي الأكل وربنا بيطرح فيها البركة.. وصدقني مفيش أحسن من الأكل الجماعي! ده غير فوائد البطيخ من فيتامينات ومعادن وكمان بيغسل البطن والمعدة من اللخبطة اللي بتكلوها! ده غير اللب والقزقزة في السهرة. لكن المشكلة انكم بتفكروا في أكل اللحمة مع انها تسبب أمراضا كثيرة وهضمها مشكلة وكفاية مرض النقرس!
كحيان: يعني معاليك مش بتاكل لحمة؟
الوزير: بناكلها مضطرين وغصب عننا حتي لا نتهم باننا "نباتيين" أو اننا ضد أكل اللحوم. يعني بناكل اللحمة كنوع من المسئولية الوزارية خاصة في الندوات والحفلات والمؤتمرات.. لكن ربنا بيحمينا من شر أمراضها!
كحيان: طب لو فرضنا ان احنا أكلنا وجبة بطيخ جماعي مع الجيران طب فين باقي الوجبات الثلاث؟!
الوزير: ما هو باقي نصف جنيه معاك ممكن تقاسم جارك وتشتروا نصف كيلو طماطم.. ولا انت ذي باقي الفقراء تاكل وتنكر!
كحيان: يعني حضرتك عاوزنا نديها كل يوم بطيخ وطماطم.. لكن اشمعني حضرتك مختار اللون الأحمر.. معاليك أهلاوي؟!
الوزير: فعلاً أنا أهلاوي وتشجيع النادي الأهلي هو الوجبة الثالثة بس ياريت تكون وجبة العشا.. عشان الفرحة بالفوز تجعل الإنسان شبعان وينام مبسوط.. وبالهنا والشفا ياكحيانين!
كحيان: طب ولو الأهلي انهزم.. هنام جعانين؟!
الوزير: وكمان الشعور بالحزن "بيسد النفس" عن الأكل يعني في الحالتين هتنام شبعان ومتهني.
كحيان: أهم ميزة عند حضرتك ان عندك كل الحلول.. روح ربنا ينتقم من اللي يزعل معاليك!!
كرداوي
